«Біртұтас тәрбие» бағдарламасы аясында Ақжол орта мектебінің «Еркетай» шағын орталығында «Дәстүрімнің балқаймағы – әжелер» сайысы өткізілді. Әжелер сайысының мақсаты: бүлдіршіндерді ізгілікке, үлкенді сыйлап, тыңдай білуге, құрметтеуге, халқымыздың салт-дәстүрінен нәр алуға, ой-өрісін дамыту, өнерге баули отырып, инабаттылық пен мейірімділікке тәрбиелеу болды. «Еркетай» шағын орталығының бүлдіршіндерінің әжелері сайысқа қатысып, өнерлерін көрсетті. «Алма ағаштың гүліндей-ай, текеметтің түріндей-ай…», – деп сайысты әжелеріміз жүнді тазалап, оны сабап басуды көрсетті. Сонымен қатар, ұршықпен жүн иіру әдісін де, таныстыра білді. Іс-шара қорытындысы бойынша «Бармағынан бал тамған әже», «Ең шебер әже», «Өнерлі әже», «Шебер әже» номинациясы арқылы алғыс хатпен марапатталды.
